لماذا قومى يا أمه

لماذا قومى يا أمه
لماذا مدونة قومى يا امة؟ من وسط هذا التخبط تحتاج الأمة لمن ينقذها تحتاج من يأخد بأيد شبابها ,ويرجع عزها تريد من يزرع بيده كل لحظة بادرة أمل لا ليحطم فيها كل نبضة قلب, لهذا كانت قومى يا امة لأمة حيرى ,لنزع الأمل ونمحى بيه التشاؤم لنزرع الأمل في القلوب ,ونبث العزم والإصرار في النفوس ,لتتكاتف أيدينا نحو طريق نهضتنا نحو عز إسلامنا شعارنا فيه الله غايتنا والقران دستورنا ومحمد زعيمنا والموت في سبيل الله أسمى أمانينا
من اجل هذا نعمل لنثبت للعالم اجمع بان الإسلام هو شرعتنا
وأنه المنجى لهذه الأمة من كبوتها فمعا نعيد للأمة عزها

الاسدال موضة ام التزام ؟

الفترة الاخيرة زاد قوى عدد البنات اللى لبسوا اسدال لكن الفكرة ان لبس عن لبس يفرق طبعا. محدش ينكر ان الاسدال يعتبر حل عملى بالنسبة لكتير من الملتزمات وخصوصا السيداتات المتجوزات لية لانها معندهاش وقت بقة للعباية وتلف الطرحة ولا تعدل الخمار ولونة لايق ومش لايق كتير لبسوة عشان كدة ناس تانية لبستة عشان بالنسبالها افضل التزامات بحيت انة قطعة واحدة وبالتلى تبعد نفسها عن الجيبات والبلوزات لكن اللى انا لحظتة ودة بوجهه بصراحة للملتزمات وهو ان فية نوع بيقى خفيف من الاسدالات والنوع دة بصراحة بيبقى مجسم الجسم فبدل ما انا كنت لابسة الاسدال عشان اكون اكثر التزاما بية لا بالطريقة دى بقة العباية ارحم بكتير فياريت ناخد بالنا من النقطة دى وخصوصا انها موجودة كتير نقطة تانية برضة يمكن احنا اتكلمنا عن الاسدال كالتزام لكن للاسف بنات كتير واخدينة موضة وفية هتشوف كل اللى نفسك فية ترتر والوان فاقعة وكمام الاسدال مرفوعة وتحتها معصم مجسم الايدبصراحة منظر بيضايق ناس كتير وانا من الناس دول بس كنت بتكلم مع واحدة صاحبتى فقالتلى" دة احسن بدل ما هم لابسين بديهات وبنطلون ساقط ومش ساقط وحتى لو موضة يمكن يجى يوم ويلبسوة التزام" بصراحة انا لما قعدت افكر قلت صح فعلا دة افضل من لبسهم التانى وربنا يهدى بنات المسلمين اللهم امين

لحظات لا انساها

فية لحظات فى حياتنا الواحد ميقدرش ينساها وخصوصا لو اللحظات دى كانت تخص الدعوة بجد الواحد مينساش لما كنا رايحين انا واخواتى نجيب هدايا للاطفال بتوع الملجا عشان نعمل زيارة ليهم قبل العيد اد بجد كنا فعلا مرهقين وتعبانين وكنا فى عرفة فصايمين يوميها واحنا بنجدد النية قعدنا نقول يارب العتق بالعمل دة منساش نظرة اخواتى وهما بيجددوا نيتهم حسيت بجد انهم نفسهم ان ربنا ينزل علينا رحمتة فى الوقت دة لما روحنا الملجا بصراحة اول انطباع كان عندنا هو صدمة الاطفال كانت حالتهم صعبة قوى تحس انهم مش مهتمين بيهم فى الدار وكمان تحس انهم فيهم عنف غريب قعدنا وقت طويل لغاية مخدوا علينا بس لما بداو يضحكوا ساعتها الدنيا مكنتش سايعانا من الفرحة احلى حاجة فى الدنيا ان ربنا يوفقك انك تدخل الفرحة على قلب حد اللحظة التانية برضة فى اليوم دة كانت بعد ما اشترينا الهدايا للاطفال كنا شايلين اكياس كتير وكان لازم ندخل بيها الكلية عشان نقابل باقى اصحابنا اللى هيروحوا معنا الزيارة طبعا كنا خايفين جدا ان احنا نتثبت بالحاجة على البوابة بتاعت الجامعة ساعتها قوى افتكرت قصة سيدنا ابراهيم لما فى النار اد اية كانت ثقتة فى ربنا ساعتها لكن لازم يكون عندنا ثقة فى ربنا انة مش هيضيعنا ومش عشانا لا عشان الحاجة ميخدوش الحاجة مننا وبالتالى كدة لزيارة هتتلغى بجد كنا خايفين على الحاجة اكتر من نفسنا كنا عايزين الهدايا توصل للاطفال حتى لو حصلنا اية جة فى دماغى برضة ساعتها ان لو الحاجة اتخدت هنروح برضة وهندفع تانى فلوس الحاجات عشان نشتريها من جديد وتذكرت اية ان لازم الجهاد بالمال والانفس ساعتها حسيت فعلا معنى ان الجهاد دة حاجة مش سهلة بس الحمد لله والفضل ليه انة ثابتنا يوميها فلك اللهم حمدا ينبغى لجلال وجهك وعظيم سلطانك اللهم تقبل منا هذا العمل خالصا لك ولا تجعل لانفسنا ولا للشيطان منة نصيب