لا تعليق

عدناااااااااااااااااااااااااااااااااااا

عددناااااااااااااااااااااااااااااااا

بفضل الله وكرمة انتهيت من امتحاناتى طبعا الناس


خلصت اجازة وشوية وتدخل الدراسة تانى

بس المهم انى خدت الاجازة اخيرا وبعد طول معاناة


اشتقت كتير للمدونة ولمتابعة باقى مدوناتكم

بس خلاص ادينى خلصت وقعدا هنا مش هروح

ولسة الامل موجود

ولسة الامل موجود

ايوة الامل الكلمة اللى نسيناها فى وسط الازمات اللى بنتعرضلها الكلمة الل ماتت تحت ضغط الاحداث وسوداوية المشهد

الامل ان بكرة اكيد احلى من النهاردة وان الامة هتقوم تانى ونصر الله والتمكين هيتحقق
ممكن حد يقول دا اية المتفائلة اللى بتتكلم دى
صدقونى مع كل يوم جديد وشمس بتشرق فية مليون فرصة جديدة بتتولد معاه ومع كل لحظة ممكن تقوم بلاد وتقع بلاد

يا شباب بجد انا بتكلم البوست دة عن الامل والتفائل مش هروب من الواقع لكن بالعكس دا محاولة للوقوف مع تكرار الوقعات اللى احنا فيها بقيت حاسا ان احنا شايلين جبال من الهموم وشافين ان الدنيا سودا واحيانا بنقف ومنقدرش نكمل بقيت تشوف شباب الاخوان من الهم متعرفهمش مات الامل جوانا

صح الدنيا فعلا سودا بالازمات اللى فيها لكن ربنا قادر ان يكون بكرة افضل
احيانا يأسنا بيقى نقمة على الدعوة والطريق, الطريق دة محتاج ناس عندها تفائل مش تشائم لان الشخص المتشائم سهل قوى انة يقع ويتخلى عن اهدافة

هتقولوا اخوانا معتقلين وبيحاكموا "اللى شافهم منكم اتعلم يعنى اية الثقة بالله واد اية عندهم ايمان ان الجاى افضل
هتقولوا البلد حالها ضايع فساد وجوع وظلم واستبداد اة للاسف موجود والكل حاسس بية بس مش هيتغير غير بينا
صدقونى الوقت دة اللى احنا فية دة محتاج للى يقوم ويعلى الهمم مش اللى يبكى ويولول لان للى بيبكوا كتيربلاش كل ما نتكلم مع بعض نقول البلد والبلد ما تيجوا نقول هنعمل اية
انا كتبت البوست دة لانى زى كتير من الاخوان حاسينا بالتعب او ان الدنيا ضاقت قوى واتظلمنا جامد بس ارجع وافكر بمقولة الامام:

احب ان اصارحكم ان دعوتكم لا تزال مجهولة عند كثير من الناس ويوم يعرفونها ويدركون مراميها واهدافها ستلقى منكم خصومة شديدة وعداوة قاسية وستجدون امامكم كثير من العقبات وفى هذا الوقت وحدة تكونون قد, سكلتم سبل اصحاب الدعوات وستدخلون بذلك ولا شك فى دور التجربة والامتحان ستسجنون وتعتقلون وتنقلون وتشردون وتصادر مصالحكم وتعطل اعمالكم وتفتش بيوتكم وقد يطول بكم مدى هذا الامتحان

وهودة اللى احنا بنتعرضلة يا شباب
محتاجين شغل كتير بهمة عالية وارداة جامدة وثقة باللة
محتاجين احنا اللى نكون الشعلة للناس بس احيانا بنخنق نفسنا ودة بيأثر صدقونى على دعوتنا

مين قال انة هيشتغل من اول جديد بروح تانية روح الواثق بنصر الله المتفائل باللى جاى

ان شاء الله البوست الجاى رسالة الى شباب الاخوان فى الجامعات

الدم المصرى .... ببلاش

مسمعناش ولا حس ولا خبر ولا احنا خلاص بقينا فعلا بنكيل ليس بمكيالين لكن بالعديد والعديد من المكايل
امس تم قتل مصرى واصابة اثنين اثر اطلاق النار عليهم من من بارجة اريكية حربية كانت تمر فى قناة السويس
واليكم الخبر بالتفصيل
وافاد مصدر امني ان البارجة غلوبال بتريوت كانت على وشك الدخول الى قناة السويس عندما قامت باطلاق النار على زورقي باعة متنقلين اقتربا منها، ما ادى الى مقتل مصري يدعى محمد فؤاد عبد الحميد واصابة اثنين اخرين بجراح.
واوضح المصدر: ان السفينة التي تحمل 27 الف طن من المخلفات الحربية وصلت الى خليج السويس قادمة من البحر الأحمر، وكانت تنتظر العبور الى البحر المتوسط عندما اقتربت منها مجموعة من المصريين على متن زورقين صغيرين يرغبون في بيع بضائع أثرية وسلع غذائية لطاقمها.
طبعا بالنسبة حالنا دلوقتى ودمنا اللى ببلاش واية المشكلة واحد يموت فية ملاييينن غيرة موجودين يانهار مش فايت دة حتى مستنكروش ولا علقووا على الخبر ولا حد قال للامريكان ولا للسفينة وكان اية اللى تاعبكوا من زورق للباعة
يعنى انتوا تعدوا من عندنا من قناة السويس وتقتللونا وكمان نسكت
افتكر لما مات واحد مصرى على الحدود مع غزة قامت الدنيا ولم تقعد وكلة الا الدم المصرى وامننا القومى وبقوا الفلسطنين اعدائنا وعايزين نولع فيهم
لكن تيجى من الامريكان يا سلام واية المشكلة
بالله عليكم الى متى سنظل عبيد للامريكان
حسبى اللة ونعم الوكيل
فقولوا معى حسبنا الله ونعم الوكيل

حصريا

حصريا اولى كتاباتى تنشر على المدونة

قصة قصيرة بعنوان الجحيم أم

فانتظروناااااااا

انا جيت

بداية عايزة اشكر من قلبى كل اللى دعالى الفترة الى فاتت وكل الى اهتم ويارب مجلكوش فى حاجة وحشة

النهاردة بقة انا جاية عشان اسئل سؤال صغيرواللى يعرف عنة حاجة ياريت يفيدنى

انا المفروض يعنى يقال انى بكتب قصص قصيرة طبعا مش قصص جامدة ولا حاجة شوية تشخبيط زى ما بيقولوا بس الفكرة ان كل اللى انا بكتبة بيبقى مصيرة للدرج بتاعى ولا عمرة شاف النور وكنت بقول لنفسى مش مشكلة انا كدة كدة بكتب فى لاول والاخر لنفسى واتبع نظرية انانية الكاتب بس بصراحة بقيت نفسى اعرف راى الناس فى اللى انا بكتبة فكرت طب انزلة على المدونة طب حتى لو نزلتة هينزل ازاى بصراحة مش متخيلة

السؤال بقة مترفوش اى حتة اطلع فيها الشخبطة بتاعتى اى منتدى ادبى بيهتم بالنشر

ياريت اللى يعرف يفدنى

ملحوظة مطحطوش املكوا قوى على الشخبطة لكن انا بس نفسى تشوف النور

اسألكم الدعاء بصدق

يارب تعبانة بجد

الهى لا ملجأمنك الا اليك

يكاد الحزن يعتصر قلبى ولا ادرى ما الحل

اسألكم الدعاء

اغضب

لم اجد شئ يعبر عما بداخلى من الم يعتصرنى سوى هذة القصيدة اغضب لفاروق جويدة

صرخة اتمنى ان يسمعها كل نائم وتفيق كل غافل

اغضب فإن الله لم يخلق شعوباً تستكين
اغضب فإن الأرض تـُحنى رأسها للغاضبين
اغضب ستلقىَ الأرض بركاناً ويغدو صوتك الدامي نشيد المُتعبين
اغضب
فالأرض تحزن حين ترتجف النسور
ويحتويها الخوف والحزن الدفين
الأرض تحزن حين يسترخى الرجال
مع النهاية .. عاجزين
اغضب
فإن العار يسكـُنـُنا
ويسرق من عيون الناس .. لون الفرح
يقتـُل في جوانحنا الحنين
ارفض زمان العهر
والمجد المدنس تحت أقدام الطغاة المعتدين
اغضب
فإنك إن ركعت اليوم
سوف تظل تركع بعد آلاف السنين
اغضب
فإن الناس حولك نائمون
وكاذبون
وعاهرون
ومنتشون بسكرة العجز المهين
اغضب
إذا صليت .. أو عانقت كعبتك الشريفة .. مثل كُل المؤمنين
اغضب
فإن الله لا يرضى الهوان لأمةٍ
كانت - وربُ الناسِ- خير العالمين
فالله لم يخلق شعوباً تستكين
اغضب
إذا لاحت أمامك
صورة الكهان يبتسمون
والدنيا خرابٌ والمدى وطنٌ حزين
ابصـُق على الشاشات
إن لاحت أمامك صورة المُتـنطعين
اغضب
إذا لملمت وجهك بين أشلاء الشظايا
وانتزعت الحلم كي يبقى على وجه الرجال الصامدين
اغضب
إذا ارتعدت عيونك
والدماء السود تجرى في مآقي الجائعين
إذا لاحت أمامك أمة مقهورة خرجت من التاريخ
باعت كل شئٍ
كل أرضٍ
كل عِرضٍ
كل دين
ولا تترُك رُفاتك جيفةً سوداء كفنها عويل مُودعِـين
اجعل من الجسد النحيل قذيفة ترتج أركان الضلال
ويُـشرق الحق المبين
اغضب لا تُسمع احد

فإنك إن تركت الأرض عارية
يُـضاجعها المقامر .. والمخنث .. والعميل
سترى زمان العُـهر يغتصب الصغار ويـُـفسد الأجيال
جيلا ً.. بعد جيل
وترى النهاية أمة . مغلوبة . مابين ليل البطش . والقهر الطويل
ابصق على وجه الرجال فقد تراخى عزمُهم
واستبدلوا عز الشعوب بوصمة العجز الذليل
كيف استباح الشرُ أرضك ؟
واستباح العُهر عرضك ؟
واستباح الذئبُ قبرك ؟
واستباحك فى الورى
ظلمُ الطـُغاةِ الطامعين ؟؟؟
اغضب
إذا شاهدت كـُهَّان العروبة كل محتال تـَخـفـَّى في نفق
ورأيت عاصمة الرشيد رماد ماضٍ يحترق
وتزاحم الكـُهَّان فى الشاشات تجمعهم سيوف من ورق
اغضب
كـَـكـُـلِّ السَّاخطين
اغضب
فإن مدائن الموتى تـَضجُّ الآن بالأحياء .. ماتوا
عندما سقطت خيول الحـُـلم وانسحقت أمام المعتدين
إذا لاحت أمامك صورة الأطفال في بغداد
ماتوا جائعين
فالأرض لا تنسى صهيل خيولها
حتى ولو غابت سنين
الأرض تـُـنكر كـُـلَّ فرع عاجز
تـُـلقيهِ في صمت تـُـكـفـِّـنـُـه الرياح بلا دموعٍ أو أنين
الأرض تكره كل قلبٍ جاحدٍ
وتحب عـُـشاق الحياة
وكل عزمٍ لا يلين
فالأرض تركع تحت أقدام الشهيد وتنحني
وتـُـقبِّـل الدم الجسور وقد تساقط كالندى
وتسابق الضوءان
ضوء القبر .. في ضوء الجبين
وغداً يكون لنا الخلاص
يكون نصر الله بـُشرى المؤمنين
اغضب
فإن جحافل الشر القديم تـُـطل من خلف السنين
اغضب
ولا تسمع سماسرة الشعوب وباعة الأوهام .. والمتآمركين
اغضب
فإن بداية الأشياء .. أولها الغضب
ونهاية الأشياء .. آخرها الغضب
والأرض أولى بالغضب
سافرت في كل العصور
وما رأيت .. سوى العجب
شاهدت أقدار الشعوب سيوف عارٍ من خشب
ورأيت حربا بالكلام .. وبالأغاني .. والخـُطب
ورأيت من سرق الشعوب .. ومن تواطأ .. من نهب
ورأيت من باع الضمير .. ومن تآمر .. أو هرب
ورأيت كـُهانا بنوا أمجادهم بين العمالة والكذب
ورأيت من جعلوا الخيانة قـُدس أقداسِ العرب
ورأيت تيجان الصفيح تفوق تيجان الذهب
ورأيت نور محمد يخبو أمام أبى لهب
فاغضب فإن الأرض يـُحييها الغضب
اغضب
ولا تُسمع أحد
قالوا بأن الأرض شاخت .. أجدبت
منذ استراح العجز في أحشائها .. نامت ولم تُنجب ولد
قالوا بأن الله خاصمها
وأن رجالها خانوا الأمانة
واستباحوا كل عهد
الأرض تحمل .. فاتركوها الآن غاضبة
ففي أحشائها .. سُخط تجاوز كل حد
تـُخفى آساها عن عيون الناس تـُنكر عجزها
لا تأمنن لسخط بركان خمد لو أجهضوها ألف عامٍ
سوف يولد من ثراها كل يومٍ ألف غد
اغضب
ولا تُسمع أحد
أ سمع أنين الأرض حين تضم في أحشائها عطر الجسد
أ سمع ضميرك حين يطويك الظلام .. وكل شئ في الجوانح قد همد
والنائمون على العروش فحيح طاغوت تجبّر .. واستبد
لم يبق غير الموت
إما أن تموت فداء أرضك
أو تـُباع لأي وغد
مت في ثراها
إن للأوطان سراً ليس يعرفه أحد

الاخوان على قلب واحد اليوم

سينطق غدا القاضى بالحكم على اخواننا المعتقلين

فاما ولادة جديدة للقضاء واما عزاء لاخر سد فى وطننا

دعاؤنا وقلوب ملايين الاخوان معكم وقلوب شرفاء ابوا الا ان تنتصر الحرية فى هذا البلد

اللهم كل من اراد الاسلام والمسلمين بعز فأعزة وكل من اراد الاسلام والمسلمين بسوء فأذلة اللهم ارجع اخواننا الى اهاليهم وبيوتهم سالمين اللهم اامين

اليوم العالمى للتضامن مع غزة

لحظة من فضلك

تخيل لو ربنا خلقنا بنتحكم فى النفس بمعنى ان احنا المسؤلين عن التنفس بتاعنا ومطلوب منك اراديا تاخد شهيق وتطلع زفير لعدد معين فى الدقيقه تخيل لو انت بتعد النفس الاولانى ,التانى, التالت’ طب لو سرحت فى النص هترجع تعد من اول وجديد وطبعا مش هتنام لانك لو نمت نفسك هيتوقف وهتموت فبالتالى مطلوب منك انك على طول صاحى عمرك فكرت ان نعمة التنفس دى لاتقدر بثمن انك مش انت اللى بتتحكم فيها وان ربنا بفضلة ورحمتة متهالنا طب تعالوا نتخييل ان واحد حرم من نعمة التنفس دى لاى سبب عضوى من الاسباب وخلين نتامل الصورة دى واحد حاطط انبوبة فى الحنجرة عشان يتنفس منها مطلوب منة انة بيطلع لانبوبة دى وينضفها يوميا من الافرازات عشان متسدش تخيل الانسان دة عايش ازاى تخيل اد اية بيعانى عمرك فكرت ان ربنا ممكن ياخد منك نفسك ويحرمك من انفاسك اللى انت بطلعها فى اللهو والعبث

طب بلاش التنفس تعالوا نتخيل واحنا بناكل لوالاوامراحنا اللى بنديها لنفسنا يعنى لو عايزين ناكل تفاحة مثلا وانت اللى متحكم بنعد ندعى اللهم اجعل التفاحة تدخل فى فمى ثم اجعل اللعاب يمزجها والاسنان تقطعها ثم انزلها اللهم فى البلعوم وليس الحنجرة فادخلها المعدة لتهضم تم الى الامعاء ثم اللهم اجعلنى استفيد منها ومالا احتاجة اخرجة اللهم من جسمى طب بلاش الكل طب العين عمرك قلتلها يا عينى لما اجى انام اقفلى ولما اصحى افتحى ولا قلتلها لما يجى شوية تراب اقفلى عشان ميدخلوش طب وطب وطب

عمرك وانت واقف ولا واقفة ادمام المراية بالساعات فكرت فى دة" وفى انفسكم افلا تبصرون " طب باللة عليكوا ازاى نعصى ربنا بقة بحاجة مش ملكنا يعنى هوا اللى خلقنهانا ولو شاء حرمنا منها ومع ذلك بنعصية بيها

يعنى العين اللى اول ماشافت اول حاجة قالت هبص لحرام ومش هغض بصرى طب مش هوا قادر ان يا خدها منك

العقل اللى اول قرار بياخدة لتلا مش هتحجب لا مش هلتزم

ايدينا ورجلنا اللى لنمشى بيها للحرام طب مش ممكن يجلنا شلل ونقعد فى كرسى

صح ولالا ربنا قادر انة يحرممنا من دة كلة ولا لا

فاذا اردت ان تعصى الله فاعصة فى مكان لا يراك هو فيه

واذا اردت ان تعصية فأعصة بشئ لم يخلقة هولك

واذا جاء ملك الموت ليقبض روحك وانت على المعصية فقل له اتنى غدا عندما اتوب

فهيا معا نتوب الى الله توبة صادقة من قبل ان ياتى ملك الموت فعندها لا مرد لحكم الله

واقف واقفة مع نفسك لتعد نعم الله عليك

اللهى كيف اشكرك وشكرى اياك نعمه تستحق الشكر

جديدة دى

هو موضوع بصراحة واقف فى زورى نفسى اكتبة بقالى فترة هو عن عيد الشرطة اللى كان فى يوم 25يناير من كل سنة

طبعا فى عيد الشرطة دة تلاقى التليفزيون بيحتفل واغانى بقة

وتخيل طبعا حضرتك اد اية الشرطة فة خدمة الشعب وخد بالك قوى من الحتة دى وبجانب ما التليفزيون بيحتفل طبعا وانت ماشى فى الشارع هتلاقى يافتات لتاييد كاننا داخلين حرب

المهم وانا رايحة الكلية فى يوم ابت الشمس فية ان تشرق وانا ماشية قعدت اقرا يافتات التاييد اللى مكتوبة: طبعا المجلس المحلى يهنئ السادة الضباط بعيد الشرطة "قلت ومالة اهم كلهم مع بعضيهم حكومة مفيش مشكلة, " يافتة تانية اللواء مش عارفة اسمة اية يهنئ" قلت واجب برضة اخوة وبيهنية ولو معملهاش تبقى عيبة علية يافتة, " المحافظ يهنئ "ماشى كبير الحتة وبيعمل واجب طول عمرك ذوق لكن الجديد فى الموضوع واللى استوقفنى بقة وخلانى اكتب البوست دة وهو ان عميد كليتنا اطال الله بقائة يهنئ الشرطة بعيدهم فى الاول قلت يمكن يكونوا ناسيب ولا حاجة وجوزعم مرات ابو خالته مطلق امة ولا حاجة تمشى شوية بقة تلاقى يافتة تانية" للعميد برضة يهنئ بس هنا بقة حدد هوا بيهنى مين " بيهنى رجال امن الدولة على حفظ الامن فى البلد" هنا بقة بانت لفولة واتكشف المستور صح مهما رباطية مع بعض واللى ضايع فى النص بقوا الطلبة وقمع الحريات دةمش من غير ثمن لان العمدة وغيرة دفعوا تمن بقائهم على كراسيهم بهدلة الطلبة وهضم حقهم ما هوا بدال بقينا فى بلاد الامن بيدخل فى تعين رؤساء الجامعات والعمداء والدكاترة بقى كل شئ جايز بقة التاييد والولاء لازم وحنى الراس واجب

والله كراسيكوا دى بكرة تروح بكرة تبقوا تحت التراب وساعتها ولا امن دولة ولا رئيس ولا حتى ابليس هينفعكو

فى مكان تانى بس اشخاص محترمين اقل حاجة انك ترفع القبعة لموقفهم حركة 9 مارس ومطالبهم بعدم تدخل الامن فى شئون الجامعة

اة يا بلد لسة ادامك كتير عقبال ما تقومى تانى

كان نفسى مصر تخسر

ايوة كان نفسى مصر تخسر المباراة النهائية مع الكاميرون عشان مسمعش جملة احنا احفاد الفرعنو احنا اسود واسياد وكلام كلة على الفاضى مكنش نفسى نمحى الذل والعار اللى احنا فية بنصر زائف وعابر ,عايزين تعرفوا حالنا وصل لغاية اية اطلعوا الشوارع وشوفوا شبابنا وهما رافعين علم مصر وداهنين وشهم وبيهيصوا ويرقصوا
بيحبوا مصر مفيش مشكلة فرحانين محدش يعترض, لكنهم فى الواقع مغيبين ومخدرين, دول فى مظاهرات الرد على اساءة الرسول معملوش كدة
من سنتين بس نفس المناظر فى ا لشارع برضوا عشان المنتخب وفى نفس الوقت اهالينا جراحهم ودموعهم منشفتش اهالينا فى حادثة العبارة
نفس الوقف النهاردة غزة الحبيبة غرقانة فى الظلام والجراح غزة بتنادينا بس انت بتتكلم فية المهم الحضرى ومتعب والكاس والكاميرون المهم الهيصة ودفن رؤسنا فى الرمال انا عارفة ان فية ناس هتقول انتو معقدينها كدة متسيبوا الناس تفرح مش هقولهم غير يا شبابنا يا شباب الاسلام يا احفاد عمروابو بكرو خالد ,بالله عليكوا افيقوا بقة ,اقفوا مع انفسكم وقفة صادقة مع انفسكم مع الله مع الواقع
طب بلاش اللى بيحصل فى غزة من ابشع صور المجازر وبلاش العراق اللى ضاعت وبلاش انك لو حطيت ايديك على اى حتة فى الخريطة هتلاقى كرامتنا اتهانت ودماء المسلمين بتنزف واعراضنا بتنتهك بلاش دة كلة خلينا فى مصر مش هيا دى مصر اللى انت بتحبها بص على واقعنا بص على الناس الغلابة اللى مش لاقية تاكل بص على رغيف العيش اللى مش لاقينة بص على الفساد والاستبداد بص على التعليم للى انهار بص على بص على شرفاء البلد اللى فى الاعتقال لانهم بيدافعوا عن حقك فى عيشة محترمة فى بلد محترم بص على التعذيب فى الاقسام بص وبص ودقق النظر يمكن الغشاوة تروح وتفهم بقة
اللهم رد اليك شباب وبنات المسلمين ردا عزيزا اللهم افقهم من غفلتهم
اللهم اامين

بكرة النكد بكرة

بكرة الرجوع مرة تانية الى مشاق الدراسه والصحيان بدرى ومرواح المستشفى

يااااااااة الواحد كان مصدق اخد اجازة

ان كان عليا بصراحة نفسى اقعد فى بيتنا وابقى اتعلم بالفيديو كونفرنس احسن

والعجيب بقة ان الناس كلها كانت واخدة اجازة واحنا فى طب برضوا بس احنا اجازتنا عشان نذاكر فيها

بعيد عن السامعين

عندى امتحان الاسبوع الجاى انف واذن وحنجرة

تعاطفك لوحدة مش كفاية اتبرع ولو بدعاء

ملحوظة البوست دة كان مفروض ينزل امبارح عشان بس الناس قيقة الملاحظة فى التواريخ

حاسة انى خايفة قووووى, اصعب احساس فى الدنيا انك تفتقد الامان

خوف من بكرة واللى مخبية ؟؟؟خوف من الجاى وراح يجرى اية؟؟؟

خايفة من نفسى على نفسى ,ومن نفسى على الناس ,ومن الناس عليا

خايفة وحاسا ان معدش فية امان

خايفة من ظلام غزة واية ممكن يحصل اكتر من كدة

خايفة على اصحابى واهلى والناس من حزن بيفتك قلبهم

نفسى اسند على حيطة صلبة ومش لاقية كل ما انسد اكتشف انى سندت على فراغ وارجع اقع من تانى

خايفة من احباط بعد امل من هزيمة بعد نصر

خايفة من شيطان بيوسوسلى وعن ربى بيبعدنى

خايفة من يوم ميطلعش عليا بعدة نهار مش خوف من الموت لأ

لكن خوف من اخر حاجة عملتها قبل ما اموت

خايفة اعمالى كلها تكون هباء منثور

خايفة والكلمة جوايا مكتومة, خايفة تطلع لحسن تموت من الخوف